Իրականացրու՛ HoT կարիերադ
Ուզու՞մ եք դառնալ պահանջված մասնագետ և արագ հասնել մասնագիտական առաջխաղացումների:
HoT Ակադեմիայի «Իրականացրու՛ HoT կարիերադ» ծրագիրը կօժանդակի 30 մրցունակ ու նախաձեռնող HoT Շրջանավարտների՝ հասնելու իրենց կարիերայի նպատակներին և գերազանց դրսևորվել:
1-ին փուլ. HoT Դեսպաններ
Ինչպիսի՞ն է 21րդ դարի թվային միջավայրի ազդեցությունը հյուրընկալության և կից ոլորտների վրա
Թվային տեխնոլոգիաները ներթափանցել են բոլոր ոլորտները, սակայն առանց դրանց չենք կարող պատկերացնել հյուրընկալության ոլորտը և կից ծառայությունները: Աշխատակից ես թե ձեռներեց, քեզ անհրաժեշտ է ունենալ հաճախորդների և գործընկերների հետ թվային գործիքների միջոցով անվտանգ և արդյունավետ հաղորդակցության հմտություններ:
Ինչպես նաև առաջ են եկել աշխատանքի այնպիսի ձևաչափեր, երբ անհատները կարող են մատուցել աջակցող ծառայություններ և էական եկամուտներ վաստակել հեռավար (ֆրիլանս, վիրտուալ աջակցում):
Ինչպիսի՞ հմտություններ է անհրաժեշտ թվային միջավայրում արդյունավետ հաղորդակցության համար
Դրսևորելով արդյունավետ հաղորդակցության հմտություններ, ավելի հմուտ կերպով կիրառելով թվային գործիքները, առցանց ծառայություններից անվտանգ և արագ օգտվել կարողանալով դուք դառնում եք ավելի մրցունակ և հայտնվում եք գործատուների նախընտրելի դիմորդների ցանկում, դառնում եք պահանջված հեռավար և ֆրիլանս մասնագետ, բարձրացնում եք ձեր շանսերը ավելի լավ պայմաններով աշխատանքի անցնելու, ինչպես նաև ձեր ներկայիս աշխատանքում ավելի արագ առաջխաղացում ապահովելու համար։
Այսպիսով, տեղեկատվական տեխնոլոգիաներից անվտանգ և արդյունավետ օգտվելու, թվային ծրագրերը և համակարգերը ինքնուրույն սովորելու և յուրացնելու, առցանց խարդախություններից և վտանգներից ապահովագրվելու և անձնական տվյալների գաղտնիության պահպանման արժեքավոր հմտությունները անհրաժեշտ են երիտասարդներին՝ իրենց կարիերայի նպատակներին հասնելու համար:
Ովքե՞ր են HoT Դեսպանները
HoT Դեսպանները դրանք այն HoT Ուսանողներն են, ովքեր ունեն թվային միջավայրում աշխատելու հմտություններ, հետաքրքրված են դառնալու ֆրիլանսերներ և թվային աջակիցներ, հատուկ կվերապատրաստվեն HoT Գործընկերոջ կողմից և «Կրթվիր ապագայիդ համար» կրթական ծրագրի ընթացքում կիրականացնեն առաջնորդելու և թվային աջակցության դերեր: Նրանք առավելություն կունենան ներգրավվելու 2023թ. HoT Հատուկ Ջոկատում:
Ինչպե՞ս դիմել
Հետաքրքրված անձինք կարող են դիմել այստեղ:
Որքա՞ն HoT Ուսանող կարող է դառնալ HoT Դեսպան
200 HoT ուսանողներից առավելագույնս 10-ը կարող են դառնալ HoT Դեսպան:
Ինչպե՞ս են HoT ուսանողները դառնում HoT Դեսպաններ
HoT Ակադեմիան իր “Կրթվիր ապագայիդ համար” կրթական ծրագրին մասնակցության նպատակով մեկնարկված բաց կանչի ժամանակ ընդունում է դիմումներ ( մանրամասները այստեղ):
Այն դիմորդները, որոնք նաև կհետաքրքրվեն ֆրիլանս և վիրտուալ աջակցության աշխատանքներով, կներկայացվեն HoT Ակադեմիայի գործընկերոջը, որը կկազմակերպի հավելյալ մեկ կամ երկու թեստեր, և ըստ թեստերի արդյունքների հարցազրույցներ կկատարվեն: Արդյունքում HoT Գործընկերը կընտրի 10 անձանց, և կառաջարկի HoT Ակադեմիային ընդունել նրանց որպես HoT Դեսպաններ:
HoT Ակադեմիան ստանում է այդ 10 դիմորդների գրավոր համաձայնությունը՝ դառնալու HoT Դեսպան: Նրանք պետք է անցեն HoT Ակադեմիայի գործընկերոջ հատուկ նախապատրաստական դասընթացը: Այնուհետև նրանք ներկայացվում են որպես HoT Դեսպան:
Ո՞վ է HoT Ակադեմիայի գործընկերը
HoT Ակադեմիայի գործընկերը Լինաստեր ընկերությունն է:
Ովքե՞ր են կազմում HoT թիմը
“Կրթվիր ապագայիդ համար” կրթական ծրագրում ներգրավված յոթ մոդուլների ուսուցիչների թիմը, ինչպես նաև ծրագրի ղեկավարը և հաղորդակցության համակարգողը:
Ի՞նչու դառնալ HoT Դեսպան
- 2023թ-ին HoT Ակադեմիան HoT Շրջանավարտներից ընտրելու է 30 մասնակից HoT հատուկ ջոկատի համար, որի արդյունքում պատրաստ կլինեն որպես վիրտուալ աջակից աշխատելու, ինչպես նաև HoT Ակադեմիայի գործընկերոջ ցանցի մաս կազմելու: HoT Դեսպանները ունեն այդ 30 ընտրվածների մեջ լինելու առավելություն: :
- HoT Դեսպանները հնարավորություն կունենան անվճար մասնակցելու HoT Ակադեմիայի գործընկերոջ “Թվային հմտությունների շտեմարան” դասընթացին և ձեռք բերելու ֆրիլանս և հեռավար աշխատանքի համար անհրաժեշտ բոլոր հմտությունները
- HoT Դեսպանները հնարավորություն կունենան գործնականում կիրառելու դասընթացներում ներկայացվող շատ հմտություններ, այդպիսով ամրապնդելով ձեռք բերված գիտելիքները
- Որպես HoT Դեսպան իրենց հաջող փորձի մասին վկայող Հավաստագրի ստացում՝ Զարգացման Սկզբունքներ և HoT Ակադեմիայի գործընկերոջ կողմից,
- Զարգացման Սկզբունքներ ՀԿ և HoT Ակադեմիայի գործընկերոջ կողմից նամակի (recommendation letter) ներկայացում
- HoT Դեսպանները հնարավորություն կունենան հետաքրքիր և փորձառու մասնագետների հետ անհատական հանդիպումներ ունենալու (օրինակ՝ «Կրթվի՛ր ապագայիդ համար» մոդուլների ուսուցչների հետ)
Լավագույն արդյունք ցուցաբերած HoT Դեսպաններն կստանան մրցանակներ և նվերներ, որոնք կօժանդակեն թվային աշխարհում իրենց առաջխաղացումը, ներառյալ գումարային աջակցություն իրենց ընտրությամբ առցանց մասնագիտական դասընթացին մասնակցության համար:
Ի՞նչ է անհրաժեշտ HoT Դեսպան դառնալու համար
HoT Ուսանողները կարող են դառնալ HoT Դեսպան, եթե.
- Հետաքրքված են զարգացնելու իրենց հմտությունները՝ կատարելով վիրտուալ աջակցի աշխատանք, հետագայում հնարավորություն ստանալով կատարել նմանատիպ վճարովի ֆրիլանս աշխատանքներ
- Ունեն միջինից բարձր թվային գրագիտության մակարդակ, օրինակ` հմուտ օգտագործում էն Gmail, Facebook Groups, տարբեր մեսենջերներ և այլ առցանց ծառայություններ
- Սիրում են ու ցանկություն ունեն զբաղվել խմբի կազմակերպչական աշխատանքով
Կարող են լրացուցիչ ժամանակ տրամադրել (շաբաթական 2-4 ժամ)՝ ի լրումն HoT Ակադեմիայի դասերն ու հանձնարարությունները կատարելուն:
Որ՞ն է HoT Դեսպանի աշխատանքի նպատակը
Ապահովել HoT Դեսպանի խմբի մեջ առկա HoT Ակադեմիայի 20-40 ուսանողների առավելագույն ներգրավվածությունը, մոտիվացիան և արդյունավետությունը HoT Ակադեմիայի «Կրթվիր ապագայիդ համար» ծրագրի ընթացքում, միևնույն ժամանակ օժանդակելով HoT թիմին:
Որո՞նք են HoT Դեսպանի աշխատանքային պարտականությունները
Նախապատրաստական շրջան
Ընտրված յուրաքանչյուր դեսպան պետք է.
- Մասնակցի HoT գործընկերոջ կողմից իրականացվելիք ուսուցողական առցանց դասընթացին,
- Դասընթացն ավարտելուց հետո ստորագրի պարտականությունների ստանձնման համաձայնագիր HoT Ակադեմիայի հետ և HoT գործընկերոջ հետ,
- Համաձայանգրի ստորագրումից հետոպետք է ընդունի իր խմբի անդամների ցուցակը, ներառյալ՝ անուն, ազգանուն, կոնտակտային տվյալներ (հեռախոսահամար, էլեկտրոնային փոստի հասցե, սոցիալական հարթակների հասցեներ): Յուրաքանչյուր դեսպան կարող է ընտրել անուն իր խմբի համար:
- HoT Ակադեմիայի կրթական ծրագիրը սկսելուց առաջ HoT Դեսպանները պետք է ծանոթանան իրենց խմբի մասնակիցների հետ և ապահովեն, որպեսզի վերջիններս ունենան Gmail հաշիվ, կարողանան օգտվել Google Classroom-ից, ունենան ընդհանուր խումբ միմյանց հետ հաղորդակցվելու համար, և այլն: HoT թիմի կողմից բացվելու է մեկ ընդհանուր Facebook խումբ, որտեղ կլինեն բոլորը՝ ուսանողներ, ուսուցիչները, ադմինիստրացիան: Այնտեղ յուրաքանչյուր ուսանող կարող է հարց գրել, իսկ իրենց կցված դեսպանները պետք է հետևեն, որ հարցերը պատասխան ստանան: Եթե ուսուցիչներից է ակնկալվում պատասխանը՝ ուղղակի իրեն նշեն անեն քոմենթում:
Ուսուցում ծրագրային աշխատանքների իրականացման միջոցով
HoT գործընկերոջ կողմից տրված գիտելիքների ամրապնդման և գործնականում կիրառելու նպատակով HoT Դեսպանները կամավոր կերպով կիրականացնեն 2022թ. աշնանը մեկնարկվող «Կրթվիր ապագայիդ համար» կրթական ծրագրի ընթացքում որոշակի գործառույթներ, որոնք շատ նման են վիրտուալ աջակցի և թիմի ավագի պարտականություններին:
Մասնավորապես HoT Դեսպանը պետք է.
- հետևի յուրաքանչյուր հաջորդ շաբաթվա դասացուցակին և Google Classroom-ում հայտնվելուց հետո կազմեն դասի հիշեցում-օրացույցը՝ ուղարկելով հրավեր իր խմբի անդամներին,
- հետևի, որպեսզի իր խմբի անդամները ծանոթանան դասին և կատարեն առաջադրանքները,
- պարբերաբար կազմակերպի հանդիպումներ իր խմբի մասնակիցների հետ՝ տեղեկանալու նրանց մոտ առաջացած տեխնիկական խնդիրների մասին և տրամադրի օժանդակություն հարցերի դեպքում,
- լինի կապող օղակ ուսանողների և HoT թիմի համար՝ փոխանցելով ուսանողների հարցերն ու խնդիրները HoT թիմին և ստանալով հետ պատասխան՝ ուղղորդել այն ուսանողներին,
- կարևոր օրերի ժամանակ (առցանց հանդիպում, դեմ առ դեմ հանդիպում, և այլն) ուղարկի հիշեցումներ խմբի անդամներին
- ավելի պարտաճանաչորեն մասնակցի դասերին, ինչը նշանակում է, որ դեսպանները, ինչպես մյուս ուսանողները պետք է լսեն դասերը, կատարեն հանձնարարությունները, մասնակցեն կրթական հանդիպումներին:
Երկու HoT Դեսպան կարող են թիմ կազմել, և միասին աշխատել իրենց խմբերի հետ: HoT Դեսպանների խմբերը մրցելու են իրար հետ, թե որի՞ մասնակիցները ավելի արագ և հաջող կավարտեն դասընթացը։ Մրցանակներ կտրամադրվեն լավագույն թիմերին:
2րդ փուլ. HoT Հատուկ Ջոկատ
2023թ. ընթացքում HoT ակադեմիայի առաջին փուլի՝ «Կրթվիր ապագայիդ համար» կրթական ծրագրի 30 Շրջանավարտներ կընտրվեն և կկազմեն HoT Հատուկ Ջոկատը:
HoT գործներկերները նրանց կտրամադրեն արդյունքներին միտված ուսուցում հետևյալ տրամաբանությամբ. գիտելիքի նախնական ստուգում, ուսուցում, իրական նախագծերին մասնակցություն, գիտելիքների ստուգում (քննություն), համագործակցություն և/կամ աշխատանքի ընդունում:
10 HoT Դեսպաններ կունենան առավելություն՝ ընտրվելու որպես HoT Հատուկ Ջոկատի անդամ:
