Սովորի՛ր HoT Հյուրընկալներից

Համապատասխան ոլորտային գիտելիքներ, ինչպես նաև  գործնական և «փափուկ ու կոշտ» հմտություններ ձեռք բերելուց հետո, ծրագրի մասնակիցներին հնարավորություն կտրվի գործնական քայլերի միջոցով մուտք գործել աշխատաշուկա։

Կարճատև այցեր ոլորտային մասնագետների մոտ (Job shadowing)

Անգլերեն «Job Shadowing»-ը ոլորտի մասնագետին աշխատանքային առօրյաում հետևելու գործընթացն է: Այս գործիքն օգտագործվում է  ոչ միայն երիտասարդ ուսանողների շրջանում, այլ նաև հաճախ ընկերություններն են  «Job Shadowing»-ն առաջարկում իրենց աշխատակիցներին՝ տեսնելու, թե ի՞նչ այլ տեսակի դերերում  նրանք կարող են հաջողել: Որոշ  ընկերություններ կարող են նաև shadowing-ը դիտարկել որպես իրենց աշխատակիցների համալրման ու վերապատրաստման գործընթացների հիմնական մասը: Այս արդյունավետ փորձը նրանց  կարող է օգնել հասկանալ, թե արդյոք տվյալ դերը ճիշտ է իրենց համար:

Մոտեցման առավելությունները

Այս կոմպոնենտին մասնակցությունը կարող է շատ առավելություններ տալ:  

  1. Կապեր հաստատելու հնարավորություններ: Այն թույլ է տալիս հանդիպել ու գործակցել ոլորտի արհեստավարժ մասնագետների հետ: Այն հնարավորություն է տալիս պոտենցիալ գործատուների հետ իմաստալից ու պրոֆեսիոնալ կապեր հաստատել, ում խորհրդին մասնակիցները կարող են դիմել կարիերայի հետ կապված հարցերում:
  2. Օգնում է ավելի լավ կողմնորոշվել կրթության և մասնագիտության ընտրության հարցում: Անկախ նրանից թե ինչպիսի ակադեմիական և մասնագիտական հեռանկարներ կարող են լինել, ոլորտային մասնագետների մոտ կարճատև այցերը կօգնեն հստակություն մտցնել մասնագիտական ձգտումների մեջ, քանի որ ստեղծում են թույլ են տալիս ծանոթանալ ամենօրյա աշխատանքային միջավայրին ու որոշակի հաստիքի համար պահանջվող աշխատանքային պարտականություններին:
  3. Հնարավորություն է տալիս իմանալ ավելին կազմակերպության մասին: Եթե դիտարկում ես որևէ ընկերությունում աշխատելու հնարավորությունը, ոլորտային մասնագետի մոտ կարճաժամկետ այցը հիանալի տարբերակ է հասկանալու` արդյոք ոլորտի մշակույթն ու արժեքները համապատասխանում են քո կարիքներին:
  4. Թույլ է տալիս անցումային դերեր իրականացնել ընկերությունում, որտեղ աշխատում ես: Կարճաժամկետ յցը ներկա գործատուի հետ այլ կարիերային հետաքրքրություններ բացահայտելու լավ ձև է: Աշխատելով մարդկային ռեսուրսների կառավարման բաժնի հետ՝ կարող ես դիտել այլ բաժինների գործընկերներիդ և որոշել՝ արդյո՞ք ուզում ես անցումային դեր ստանձնել թափուր աշխատատեղ բացվելու պարագայում:
  5. Օգնում է որոշել մասնագիտական ուղղությունները, որոնք պետք է կատարելագործես: Կարճաժամկետ այցերի ընթացքում կարող ես նշումներ անել տվյալ աշխատանքի համար անհրաժեշտ տեխնիկական ու միջանձնային հմտությունների վերաբերյալ: Սա կօգնի քեզ հասկանալ ինչ հավելյալ կրթություն կամ հմտություններ են պետք  այդ գործում հաջողելու համար:

HoT աշխատանքային կարճաժամկետ այցեր ոլորտի մասնագետների մոտ

Աշխատանքային կարճաժամկետ այցերը ոլորտի մասնագետների մոտ ( Job Shadowing) միջոց կլինի՝ հասկանալու՝ ինչ է HoT Շրջանավարտը սովորել տվյալ աշխատանքի մասին՝ ինչ-որ մեկին իր պարտականությունները կատարելիս դիտարկելու արդունքում: Փորձառու մասնագետին աշխատանքի ընթացքում դիտարկելը կարող է HoT շրջանավարտին ցույց տալ, թե ինչ կարելի է ակնկալել նմանատիպ դերում: Նպատակը համապատասխան ընկերության և ոլորտի վերաբերյալ պատկերացում կազմելն է և պոտենցիալ գործատուների հետ նախնական կապեր հաստատելը: 2023-2024 թվականներին 50 HoT շրջանավարտներ գործընկեր ընկերություններում կմասնակցեն ոլորտային մասնագետների մոտ կարճատև աշխատանքային այցերին։ Ընդհանուր առմամբ, գործնական օրերի 5 փուլ տեղի կունենա, որոնցից յուրաքանչյուրին կմասնակցի առնվազն 10 շրջանավարտ: Այդ միջոցառումներից առաջ HoT շրջանավարտները կվերապատրաստվեն, հարցաթերթիկներ կունենան՝ իրենց և նախագծի համար փորձառության մասին գրառումներ անելու համար: HoT Հյուրընկալները նույնպես կուղղորդվեն: Աշխատանքային կարճաժամկետ այցերը՝ իրավիճակից կախված, կարող  են տևել մի քանի ժամից մինչև 3 օր:

HoT «Կարիերային արագ ժամադրության» միջոցառումների կազմակերպում

Տավուշի և Գեղարքունիքի մարզերում 2023 և 2024 թվականների ընթացքում  հատուկ ոլորտային 6 աշխատանքի տոնավաճառներ տեղի կունենան՝ համախմբելով 100 HoT շրջանավարտների և համապատասխան գործատուների: Մասնակիցներից յուրաքանչյուրը 10-15-ական ընկերությունների հետ կծանոթանա և հնարավորություն կունենա իրեն ներկայացնել որպես ապագա աշխատակից։