«Զարգացման Սկզբունքներ» ՀԿ-ն շահույթ չհետապնդող կազմակերպություն է, որը 2004 թ.-ից Հայաստանում հաջողությամբ իրականացնում է գյուղական համայնքների զարգացման ծրագրեր:

Մեր նպատակն է Հայաստանի գյուղական համայնքների տնտեսական և սոցիալական զարգացումը՝ ընտանիքների կենսամակարդակի բարելավմանն ու հզորացմանը, ինչպես նաև՝ երիտասարդների կրթությանն ուղղված ծրագրերի և ռեսուրսների տրամադրման միջոցով։ Մենք ապահովում ենք երիտասարդությանը այնպիսի գիտելիքներով, հմտություններով և հնարավորություններով, որոնք անհրաժեշտ են հաջողության հասնելու համար՝ խթանելով նորարարությունն ու առաջնորդությունը։

2015 թ.-ից ի վեր ՀԿ-ն հանդիսանում է «Հայֆեր Ինթերնեյշնլ» միջազգային բարեգործական կազմակերպության հայկական մասնաճյուղի ծրագրային իրավահաջորդը․ «Հայֆեր Ինթերնեյշնլ»-ը գործում է 125 երկրներում և ԱՄՆ 38 նահանգներում` իրականացնելով սովի և աղքատության վերացմանն ուղղված ծրագրեր: