Մեկնարկել է «Արեգունի» ամառային ճամբարի մասնակիցների գրանցումը

Ճամբարը տեղի կունենա 2025 թվականի հունիսի 26-ից հուլիսի 2-ը՝ Աղվերանի Park Resort հանգստյան համալիրում՝ բնության գրկում գտնվող հարմարավետ ու ապահով տարածքում։

Բոլոր մասնակիցներ յոթ օրերի ընթացքում՝

• կապրեն հյուրանոցային սենյակներում՝ յուրաքանչյուրում 2-3 երեխա՝ ըստ տարիքի և սեռի,  
• ապահովված կլինեն երեքանգամյա սնունդով՝ նախաճաշ, ճաշ և ընթրիք։

* Ճամբարի մասնակիցների համար կտրամադրվի կազմակերպված երկկողմանի տեղափոխում Գեղարքունիքի, Սյունիքի և Տավուշի մարզերից։

Մեկ շաբաթվա ընթացքում ճամբարականները կմասնակցեն տարատեսակ զբաղմունքների, որոնց հիմքում հուզական առողջությունն է, թիմային աշխատանքը և ինքնարտահայտվելու կարողությունը. սպասվում են նաև ֆիզիկական ակտիվ խաղեր՝ թիմ բիլդինգներ, բացօթյա խաղեր, խմբային վարժություններ։ Ծրագիրը ներառում է ինչպես կրթական, այնպես էլ ֆիզիկական աշխատարաններ ու զբաղմունքներ, ստեղծագործական հանդիպումներ, ինտերակտիվ քուեսթ, ինչպես նաև երեկոյան միջոցառումներ՝ ֆիլմերի դիտում, խարույկի շուրջ հավաքներ և տաղանդների բացահայտման երեկո։

Օրակարգ՝

Ճամբարի յուրաքանչյուր օրը ներառում է թեմատիկ աշխատարաններ, խմբային զբաղմունքներ և ազատ ժամանակ։ Վերջինիս ընթացքում ճամբարականները կարող են ընտրել տարատեսակ զբաղմունքներ՝ սպորտային, ձեռագործության և հոգեթերապևտիկ այլ զբաղմունքներ՝ ըստ իրենց նախընտրությունների։

Ճամբարը նախագծված է այնպես, որ խթանի նոր ընկերությունների ձևավորումը, մշակութային փոխանակումը և ինքնաճանաչումը՝ ապահով ու համերաշխ մթնոլորտում։

Ղեկավար կազմ՝

Ճամբարի ողջ ընթացքն ուղեկցվելու է մեծահասակների ղեկավարությամբ և վերահսկողությամբ, որոնց թվում են՝ 

• Ճամբարի ղեկավար թիմի անդամներ (5-6 հոգի),
• Աշխատարանների ղեկավարներ (6-7 հոգի),
• Ջոկատավարներ (4 հոգի՝ յուրաքանչյուր խմբի համար),
• Բժիշկ, որը ներկա կլինի ճամբարի ողջ ընթացքում,
• Ուղեկցող ծնողներ (3 մարզերից՝ Գեղարքունիքից, Սյունիքից և Տավուշից, ընդհանուր՝ 5 հոգի)։

Փորձառու մենթորների ու մասնագետների աջակցությամբ ճամբարականները կունենան զարգացնող ու ոգեշնչող փորձառություն՝ վերադառնալով տուն նոր հմտություններով, ջերմ հիշողություններով և ինքնավստահության աճով։

«Մենք և Մունք» ծրագիրն իրականացվում է «Զարգացման Սկզբունքներ» ՀԿ-ի կողմից՝ Hoffnungszeichen | Sign of Hope կազմակերպության հետ համատեղ և Գերմանիայի Դաշնային հանրապետության արտաքին գործերի նախարարության (GFFO) ֆինանսավորմամբ։