Մենք եվ Մունք
«Մենք և Մունք» հումանիտար ծրագիր
«Մենք և մունք» հումանիտար սոցիալական ծրագիրն իրականացվել է 2024 թ.-ի սեպտեմբերից մինչև 2025 թ.-ի սեպտեմբեր։ Մեկ տարի տևողությամբ այս ծրագիրը միտված էր աջակցելու Արցախից բռնի տեղահանված և Հայաստանի սահմանամերձ՝ Գեղարքունիքի, Տավուշի և Սյունիքի մարզերում բնակություն հաստատած արցախցիներին։ Ծրագիրը ներգրավեց ավելի քան 1600 շահառու։
Ծրագրի նպատակն էր նպաստել արցախցիների սոցիալական ինտեգրմանը նոր համայնքներում, տրամադրել նրանց հոգեբանական աջակցություն, համախմբել արցախի և մարզերի երիտասարդներին և պատանիներին, ինչպես նաև՝ խթանել ավագ և պատանի սերունդների միջև երկխոսությունը։
Այս նպատակներն իրագործվեցին «Մենք և մունք» ծրագրի հինգ նախաձեռնությունների շնորհիվ, որոնք էին՝
- Կրթական երկօրյա արվեստի աշխատարաններ,
- «Արեգունի» ամառային ճամբար,
- Արհեստների աշխատարաններ,
- «7 ճանապարհ» հոգեկան առողջությանը նվիրված նախագիծ,
- Աջակցություն արցախցի սկսնակ ձեռներեցներին։
«Մենք և Մունք» ծրագիրն իրականացվել է «Զարգացման Սկզբունքներ» ՀԿ-ի կողմից՝ Sign of Hope (SoH) կազմակերպության հետ համատեղ և Գերմանիայի Դաշնային հանրապետության արտաքին գործերի նախարարության (GFFO) ֆինանսավորմամբ։
«Մենք և մունք» ծրագիր
0:16
0:16
0:16
«Մենք և մունք» ծրագրի շրջանակում իրականացվել է թվով 8 կրթական երկօրյա աշխատարաններ՝ ներգրավելով 12-18 տարեկան 297 պատանու Արցախից, Սյունիքից, Գեղարքունիքից և Տավուշից։ Այս նախաձեռնության նպատակն էր աջակցել արցախցի պատանիների ինտեգրմանը իրենց բնակության նոր համայնքներում, նպաստել նրանց և տեղացի պատանիների միջև երկխոսությանը և մի շարք հմտությունների ու կարողությունների զարգացմանը։
Աշխատարանների շնորհիվ պատանիները ձեռք են բերել ինքնավստահություն, ինքաարտահայտվելու և հաղորդակցվելու կարողություններ, միասին ուսումնասիրել են կոլաժային արվեստի և հագուստի ձևավորման բազային գիտելիքները, ծանոթացել լուսանկարչության և բեմական արվեստի նրբություններին, սովորել են տարանջատել հայկական երգն ու մեղեդին երգարվեստի աշխատարանի ընթացքում։ Բանավոր պատմությունների հավաքագրման աշխատարանի ընթացքում պատանիները կապ են հաստատել իրենց ժառանգության հետ, գրի են առել համայնքային միֆերի, առեղծված պատմությունների կամ հերոսների կյանքի հետ կապված հիշողություններ, ավանդական ուտեստներ՝ ուսումնասիրելով դրանց մշակութային նշանակությունը: Այսպիսով իրենք դարձել են իրենց համայնքային մշակույթի պահապանները։
Աշխատարանի արդյունքում ստեղծվել և տպագրվել է «Բանահավաք» գրքույկը, որում տեղ են գտել պատանիների հավաքագրած լավագույն պատմությունները։
Երկօրյա կրթական աշխատարանները վարել են տվյալ ոլորտի արհեստավարժ մասնագետները։
2. «Արեգունի» ամառային ճամբար
«Մենք և մունք» ծրագրի եզրափակիչ կոմպոնենտն էր 7 օրյա «Արեգունի» ամառային ճամբարը, որին մասնակցել է 12-18 տարեկան 120 պատանի Արցախից, Սյունիքից, Տավուշից և Գեղարքունիքից։ Սա նոր փորձառություն էր պատանիների համար, լի նոր էմոցիաներով, հմտություններով և իհարկե՝ ընկերներով։
Մեկշաբաթյա ճամբարի հիմքում հուզական առողջությունն էր, թիմային աշխատանքը, ինքաարտահայտվելու կարողությունը և իհարկե նաև պատանիների ֆիզիկական ակտիվությունը. այս ամենին մենք հասել ենք կրթելով ճամբարականների և՛ հոգին և՛ մարմինը։ Ճամբարի առօրյան բաղկացած էր լուսանկարչության, թատերական արվեստի, կոլաժային արվեստի, ձեռագործության կրթական աշխատարաններից, շարժման թերապիայից, սպորտային և բակային խաղերից, քվեսթից և անգամ տաղանդների շոուից։ Իսկ երեկոյան ժամերն անցնում էին խարույկի շուրջ։
«Արեգունի» ամառային ճամբարը միավորել է կրթական բաղադրիչը՝ ինտերակտիվ ժամանցային խաղերի հետ։
3. Արհեստների աշխատարաններ
Արհեստների աշխատարանները մեծապես միտված են եղել արցախցի կանանց սոցիալական ինտեգրացիային: Ծրագրի շրջանակում կայացել են վեց աշխատարաններ, որոնց մասնակցել է 61 կին և 74 երեխա. նրանցից յուրաքանչյուրը կյանքը շարունակում է՝ հաղթարահարելով նոր համայքներում ապրելու դժվարությունները։
Այս նախաձեռնության ընթացքում մասնակիցները միասին ստեղծագործել են, զբաղվել կարուձևով ու հելունագործությամբ. սա կանանց համար առօրյա հոգսերից կտրվելու և համայքի այլ կանանց հետ ծանոթանալու շփվելու լավ առիթ էր։
Աշխատարանների ավարտին բոլոր մասնակիցներին շնորհվել են կարի մեքենաներ՝ որպես կենցաղային հոգսերը մեղմելու հուսալի տարբերակ: Աշխատարաններն ուղ եկցվել են կենդանի երաժշտությամբ։
4. «7 ճանապարհ» հոգեկրթական նախագիծ
«7 ճանապարհ» նախագիծը «Մենք և մունք» հումանիտար ծրագրի հոգեկրթական բաղկացուցիչ մասն է։ Այն ներառում է համանուն տասն էպիզոդներից բաղկացած YouTube-յան փոդքասթ և անվճար ինքնակարգավորման ինտերակտիվ գրքույկ:
Նախագծի նպատակն է օգնել Արցախից տեղահանված բնակչությանը և, ընդհանրապես, հայությանը հաղթահարել կյանքի բարդ փուլերը, ճգնաժամը, ճանաչել նոր իրականությունը, սովորելու կառավարել սթրեսը և փնտրել նոր ճանապարհներ՝ ոտքի կանգնելու, նոր նպատակներով ապրելու համար:
Ավելին ծրագրի մասին կարդացեք այստեղ։
5. Աջակցություն Արցախյան բիզնեսներին
«Մենք և մունք» ծրագրի աջակցություն արցախյան բիզնեսներին նախաձեռնության շրջանակում արցախից բռնի տեղահանված և Հայաստանի Գեղարքունիքի, Տավուշի և Սյունիքի մարզերում վերաբնակեցված սկսնակ արցախցի ձեռներեցները հնարավորություն ունեցան զարգացնելու իրենց բիզնես գիտելիքները և ներկայացնելու իրենց արտադրանքը Դիլիջանում և Գորիսում կայացած ամանորյա տոնավաճառներին։
Նրանք մասնակցեցին առցանց դասընթացների, որոնց արդյունքում ստացան նոր գիտելիքներ մարքեթինգից և բրենդինգից, սովորեցին ինչպես ներկայանալ շուկայում, ինչպես մշակել ճիշտ բիզնես ռազմավարություն։ Դասընթացավարները քննարկել են յուրաքանչյուրի անհատական բիզնես նախագիծը և վերլուծել ուժեղ կողմերն ու շտկել թերությունները:
Նախաձեռնության շահառուներից 13-ը մասնակցեցին Գորիսում և Դիլիջանում կայացած ամանորյա տոնավաճառներին՝ ներկայացնելով իրենց՝ արդեն նոր բրենդային տեսք ունեցող արտադրանքները։ Մասնակիցների բիզնես ուղղությունները շատ տարբեր էին՝ չրային չիփսերի արտադրությունից մինչև փախլավայի արտադրություն, ձեռագործ կաշվե պայուսակներից մինչև անկողնային պարագաների արտադրություն։
