Ողջու՜յն: Դե ինչ, միասին դիմավորեցինք ձմռան սկիզբը և շարունակում ենք մեր շատ հետաքրքիր և օգտակար HoTական դասերը:
Մեկնարկում ենք HoT Վիրտուալ քոլեջի 12-րդ շաբաթը!!! Գրեթե ավարտել ենք 5 HoT մոդուլ!!!
Ինչեր եղան անցած շաբաթ.
Մոդուլ #3 – Հաղորդակցություն Օտար Լեզվով. երեք խմբերն էլ աշխատեցին սննդի ոլորտում անգլերեն լեզվով հաղորդակցության նրբությունների վրա:
Մոդուլ #4 – Ֆինանսական Գրագիտություն. բոլոր այն ուսանողների համար, որոնք ստացել էին 70% և ավել ընթացիկ թեստերից՝ հասանելի դարձավ ավարտական թեստը, տեղի ունեցավ վերջին և շատ հուզիչ ինտերակտիվ հանդիպումը Արմենուհու հետ, որի ձայնագրությունը կարող եք գտնել դասարանում:
Մոդուլ #5 – Իրավական Գրագիտություն. Վերհիշել եք անցած դասերը, լրացրել եք բաց թողնված թեստերը, և ունեցել եք ինտերակտիվ հանդիպում Դավիթ Ամիրյանի հետ:
Ինչ է սպասվում այս շաբաթ.
Ձեր թանկարժեք ժամանակից հատկացնելու եք 5-10 րոպե և լրացնելու եք այս հարցումը՝ HoT Student FeedBack Form #2: Սպասում ենք ձեր կարծիքներին և առաջարկություններին ևս երեք մոդուլների մասով` հաղորդակցություն օտար լեզվով, ֆինանսական գրագիտություն, իրավական գրագիտություն:
Նախապատրաստվելու ենք HoT Վիրտուալ Քոլեջի Ձեռներեցության Գրագիտություն (7րդ) մոդուլի մեկնարկին. բիզնես գաղափարների գեներացման համար բաշխվելու ենք 4-5 հոգանոց խմբերի՝ հնարավորինս իրար մոտ գտնվող համայնքներից: Մանրամասները՝ շուտով մեր ֆեյսբուքյան խմբում:
Հունվարի 28-ին և 29-ին Տավուշի երկու և Գեղարքունիքի երկու քաղաքներում անցկացվելու ենք HoT Ճամփորդող Աշխատարաններ Սերգեյ Թանթուշյանի հետ (ձեռներեցության գրագիտություն մոդուլ): HoT ֆեյսբուքյան խմբում խնդրելու ենք ձեզ օգնել մեզ ընտրել աշխատարանների անցկացման վայրը:
Մանրամասները՝ շուտով մեր ֆեյսբուքյան խմբում:
HoTական նորությունների շարքից.
HoT Ակադեմիայի կողմից իր ուսանողներին և ուսանողների ընտանիքի անդամներին և ընկերներին անակնկալ նախատոնական նվեր: Գուշակեք, ո՞ր HoT խոսնակը կմատուցի այդ նվերը:
Ծրագրային թիմին որպես Հաղորդակցման և համայնքի համակարգող միացավ մեր HoT ուսանող և HoT դեսպան Գոհար Արզումանյանը: Մաղթում ենք Գոհարին շարունակել նույնկերպ լավ կառավարել իր ժամանակը, որ կարողանա համատեղել իր վրա վերցրած բոլորը դերերը, և անմիջական կապ պահել մեր HoT համայնքի բոլոր անդամների հետ։
Ծրագրային թիմին որպես HoT Իլյուստրատոր միացավ Լիլիթ Պետրոսյանը: Նա նկարում է՝ օգտագործելով թուղթ, մատիտ և երբեմն՝ հեռախոս: Շուտով կվայելենք նրա ստեղծագործության արդյունքները:
Ավաղ, ծրագրային թիմից ֆորմալ կհեռանա մեր շատ շատ սիրելի Հասմիկ Սողոմոնյանը, բայց կմնա մեր HoT համայնքի ընկեր ու բարեկամ։
Hot թիմը բուռն պատրաստություններ է տեսնում HoT Ավարտական Party-ի համար՝ նվերներ, սերտիֆիկատներ, անակնկալներ…. Party-ն թեժ է լինելու, խոստանո՜ւմ ենք:
Եթե հարցեր ունեք, կարող եք գրել մեզ նամակ (info@hotacademy.org) կամ ֆեյսբուքյան էջին։
