Marriott-ն աշխարհի ամենամեծ հյուրանոցային ցանցն է հասանելի սենյակների քանակով։ Այն 30 ապրանքանիշ ունի 131 երկրներում։ Ինչպես Uber-ը չունի ավտոմեքենաներ, «Մարիոթ» խումբը ևս գործում է ակտիվների սեփականության մոդելով. գույքի մեծ մասը շահագործվում է ֆրանչայզային մոդելով, որը պատկանում և շահագործվում է անհատ ձեռնարկատերերի կողմից՝ Մարիոթի բրենդինգի և որակի ուղեցույցների համաձայն:
Գրեթե բոլոր հյուրանոցները ձեզ կանգնեցնում են ընդունարանում՝ անձնագիրը պատճենելու, վճարում կատարելու, ապահովագրություն ցույց տալու համար, իսկ Մարիոթն իրենց հյուրերին թույլ է տալիս անմիջապես գնալ սենյակ և հանգստանալ: Ձևականությունների մասին հոգ են տանում մի փոքր ուշ՝ թույլ տալով հանգստանալ երկար ճանապարհորդությունից կամ աշխատանքային բուռն օրվանից հետո:
Marriott International հյուրանոցների միջազգային ցանցի գործադիր տնօրեն Բիլ Մարիոթը հայտնի է ընկերությանը պատկանող հյուրանոցներ այցելելու իր սովորությամբ։ Նա խոսում է անձնակազմի հետ, ստուգում խոհանոցը, ճաշակում ուտելիքը և մահճակալների տակ նայում։ Յուրաքանչյուր աշխատակից գիտի ցանկացած կարևոր մանրուքի նկատմամբ նրա ուշադրության մասին։ Աշխատանքի հանդեպ կիրքն ու անձնակազմի նկատմամբ ուշադրությունը ղեկավարի հիմնական հատկությունն է, ով աշխատանքը ուրախ փորձի է վերածում:
Մեջբերում. «Հոգ տարեք ձեր աշխատակիցների մասին, և նրանք լավ հոգ կտանեն ձեր հաճախորդների մասին, իսկ հաճախորդները կվերադառնան: Մոտիվացրեք նրանց, մարզեք և հաղթողներ դարձրեք»: Մարիոթի մենեջերների 90 տոկոսը սկսել են ժամավճարով աշխատանքից կամ ցածր հաստիքներից:
Ընտանիքի առաջին հյուրանոցը՝ Key Bridge Marriott-ը բացվել է միայն 1957 թվականին Վիրջինիայում։ Սկզբում «Մարիոթ» -ի ռազմավարությունն էր հյուրանոցներ կառուցել արվարձաններում՝ օդանավակայանների և քաղաքների մոտ, որտեղ ավանդաբար անցկացվում էին ինչ-որ խոշոր համագումարներ, օրինակ՝ Հանրապետական կուսակցության կողմնակիցների հավաքներ և այլն:
